• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکہ نے یوکرائن تنازع پرروس کو پابندیوں کی دھمکی دیدی

اسٹاک ہوم ( نیوز ڈیسک) امریکا نے دیرینہ حریف روس کو خبردار کیا ہے کہ وہ یوکرائن کی سرحد سے اپنی فوجیں فوری واپس بلائے ، ورنہ اسے کسی بھی جارحیت کا خمیازہ پہلے سے کہیں زیادہ سخت پابندیوں کی صورت میں بھگتنا ہوگا۔ لٹویا کے دارالحکومت ریگا میں ہونے والی نیٹو رکن ممالک کے وزرائے خارجہ کی ملاقات کے بعد امریکی وزیر خارجہ نے اینٹونی بلنکن کا کہنا تھا کہ ہم یہ تو نہیں جانتے کہ صدر پیوٹن نے یوکرائن پر جارحیت کا فیصلہ کرلیا ہے یا نہیں، تاہم ہم یہ ضرور جانتے ہیں کہ روس کی تیاریاں ایسی ہیں کہ وہ مختصر وقت میں ایسا کرسکتا ہے۔ بلنکن نے کہا کہ ہم یہ واضح کرچکے ہیں کہ ہم روس کی جانب سے کی گئی کسی بھی جارحیت کے خلاف سخت ردعمل کا مظاہرہ کریں گے ، جس میں وسیع اقتصادی پابندیاں بھی شامل ہوں گی جن سے ماضی میں اجتناب برتتے رہے تھے۔ ادھر سوئیڈن کے شہر اسٹاک ہوم میں عالمی سیکورٹی کانفرنس کا انعقاد کیا گیا،جس میں امریکہ اور روس کے وزرائے خارجہ نے ملاقات کی۔ آرگنائزیشن فار سیکورٹی اینڈ کوآپریشن آن یورپ (او ایس سی ای) کے ہونے والے اجلاس کے موقع پر ہونے والی ملاقات کے دوران دونوں عہدے داروں نے یوکرائن کے مسئلے پر خصوصی طور پر گفتگو کی۔ خبررساں اداروں کے مطابق اس سے قبل یوکرائن کے وزیر خارجہ دیمیترو نے تھا کہ روس ان کی سرحدوں پر 90 ہزار فوجی تعینات کر چکا ہے ۔
یورپ سے سے مزید