• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور کے قومی اسمبلی کے حلقے این اے 133 میں آج ضمنی انتخاب کے لیے پولنگ جاری ہے، اس حوالے سے حکمراں جماعت پاکستان تحریکِ انصاف (پی ٹی آئی) وسطی پنجاب کے صدر سینیٹر اعجاز چوہدری کا کہنا ہے کہ ہمارا امیدوار میدان میں نہیں، ہم کسی کو ووٹ نہیں دیں گے۔

یہ بات پاکستان تحریکِ انصاف (پی ٹی آئی) وسطی پنجاب کے صدر سینیٹر اعجاز چوہدری نے ’جیو نیوز‘ سے ٹیلیفونک گفتگو کے دوران کہی۔

ان کا مزید کہنا ہے کہ آج کا الیکشن انتخابی عمل کے نام پر سیاہ دھبہ ہے، آج 20 فیصد سے کم ووٹ کاسٹ ہو گا۔

سینیٹر اعجاز چوہدری نے یہ بھی کہا کہ ہم نے آج اپنے پارٹی ووٹرز سے گھروں پر رہنے اور ووٹ کا حق استعمال نہ کرنے کی اپیل کی ہے۔

واضح رہے کہ لاہور کے قومی اسمبلی کے حلقے این اے 133 میں ضمنی انتخاب کے لیے پولنگ شام 5 بجے تک کسی وقفے کے بغیر جاری رہے گی۔

این اے 133 لاہور کی نشست مسلم لیگ نون کے ایم این اے محمد پرویز ملک کے انتقال کے باعث خالی ہوئی تھی۔

مسلم لیگ نون کی شائستہ پرویز ملک اور پیپلز پارٹی کے چوہدری اسلم گِل سمیت 11 امیدوار اس حلقے میں میدان میں ہیں۔

ضمنی انتخاب میں سیکیورٹی کے لیے اس حلقے میں 2 ہزار سے زائد پولیس اہلکار تعینات کیئے گئے ہیں۔

تمام پولنگ اسٹیشنز پر امن و امان کی صورتِ حال قابو میں رکھنے کے لیے رینجرز اہلکاروں کا گشت بھی جاری ہے۔

قومی خبریں سے مزید