آشیانہ ہاؤسنگ ریفرنس: سماعت 13 دسمبر تک ملتوی

لاہور کی احتساب عدالت نے آشیانہ ہاؤسنگ ریفرنس پر سماعت کرتے ہوئے 13 دسمبر تک ملتوی کر دی۔

شہباز شریف نے آشیانہ ہاؤسنگ ریفرنس میں احتساب عدالت میں پیش ہو کر حاضری لگوائی، انہوں نےعدالت کو بتایا کہ نیب نے اسی کیس میں ضمانت منسوخی کے لیے سپریم کورٹ سے رجوع کیا تھا جس پر اس وقت کے چیف جسٹس آصف سعید کھوسہ نے کہا کہ شہباز شریف نے پنجاب کے لوگوں کے حقوق کے لیے کام کیا۔

نون لیگ کے صدر نے بتایا کہ چیف جسٹس کے ان ریمارکس کے بعد پراسیکیوشن نے درخواست خارج ہونے کے ڈر سے واپس لے لی تھی۔

اس موقع پر احتساب عدالت نے آج مختصر کارروائی کے بعد ریفرنس پر مزید سماعت 13دسمبرتک ملتوی کر دی۔