پاکستان نے ٹی ٹوئنٹی کرکٹ میں تاریخ رقم کردی

ویسٹ انڈیز کے خلاف تین ٹی ٹوئنٹی میچز کی سیریز کے پہلے میچ میں کامیابی حاصل کرکے پاکستان ٹیم نے تاریخ رقم کردی۔

مہمان ٹیم کو 63 رنز سے شکست دے کر پاکستان ٹیم ایک سال میں سب سے زیادہ ٹی ٹوئنٹی میچز جیتنے والی ٹیم بن گئی۔

ٹی ٹوئنٹی کرکٹ میں پاکستان کا نیشنل اسٹیڈیم میں منفرد کارنامہ

پاکستان ٹیم نے نیشنل اسٹیڈیم پر ٹی ٹوئنٹی میچز میں مسلسل چار مرتبہ پہلی اننگز میں 200 یا اس سے زائد کا مجموعہ بنادیا۔

اس فارمیٹ میں سخت حریف سمجھی جانے والی پاکستان ٹیم نے رواں سال 18ویں کامیابی سمیٹی۔ 

واضح رہے کہ قومی ٹیم نے ایک سال میں سب سے زیادہ ٹی ٹوئنٹی میچز جیتنے کا اپنا ہی ریکارڈ توڑا ہے۔ 

گرین شرٹس 2018 میں 17 ٹی ٹوئنٹی میچز میں کامیاب ہوئی تھی، جبکہ اس کے بعد ایک سال میں سب سے زیادہ 15 کامیابیوں کے ساتھ جنوبی افریقہ تیسرے نمبر پر ہے۔