• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی چیمبر کے وفدکا سری لنکا ہائی کمیشن کا دورہ‘ ہائی کمشنر سے ملاقات

میرا شہر
اسلام آباد
14 دسمبر ، 2021
راولپنڈی( خبر نگار خصوصی )راولپنڈی چیمبر آف کامرس کے صدر ندیم رئوف کی قیادت میں وفد نے گزشتہ روز سری لنکا ہائی کمیشن کا دورہ کیا اور ہائی کمشنر موہن وجے وکرما سے ملاقات کی۔ اس موقع پرگروپ لیڈر سہیل الطاف، سینئر نائب صدر عاصم ملک، نائب صدر طلعت اعوان، سابق صدور منظر خورشید، شاہد سلیم، ناصر مرزا ، چیئرمین ایوارڈز عثمان شوکت اورچیئرمین ریجنل ٹریڈ خورشید برلاس بھی موجود تھے۔ وفد نے سیالکوٹ سانحہ پر ہائی کمشنر سے تعزیت کی اور بزنس کمیونٹی کی جانب سے اس افسوسناک واقعہ پر ان سے یک جہتی کا اظہار کیا۔ ندیم رئوف نے کہا کہ پاکستان اور سری لنکا کے درمیان تاریخی تجارتی تعلقات موجود ہیں اور سیالکوٹ واقعہ پر پاکستان بھر کی بزنس کمیونٹی غمزدہ ہے۔ انہوں نے کہا کہ ہمیں امید ہے کہ اس طرح کے انفرادی واقعات سے باہمی تجارتی تعلقات متاثر نہیں ہو ں گے۔
تازہ ترین