• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وارداتیں راولپنڈی

میرا شہر
اسلام آباد
26 دسمبر ، 2021
راولپنڈی (سٹاف رپورٹر) اسلام آبادکے مختلف علاقوں میں ڈکیتی ،سرقہ باالجبر ،راہ زنی کی وارداتوں میں شہری 3گاڑیوں 24موٹرسائیکلوں ، طلائی زیورات ،موبائل فونز اورنقدی وغیرہ سے محروم ہوگئے ۔ مختلف علاقوں سے آ ٹھ شہریوں کے موبائل چوری ہو گئے ۔تھانہ ویمن کورابعہ کلیم نے بتایاکہ ایف سیون ٹومیں میرے گھرسے میری ملازماؤں زرینہ اورسمیرانے طلائی زیورات مالیتی 13لاکھ روپے چوری کرلئے۔تھانہ گولڑہ کے علاقہ 26نمبرچونگی میں چارنامعلوم مسلح ملزمان گن پوائنٹ پر راحیل شاہ سے موٹرسائیکل اورنقدی ،تھانہ گولڑہ کے علاقہ جی تیرہ دومیں سیدجعفرسے گن پوائنٹ پرپچیس ہزارروپے ،تھانہ آئی نائن کے علاقہ فیض آبادمیں نادرکی جیب سے موبائل اورنقدی ،تھانہ آئی نائن کے علاقہ آئی ایٹ مرکزمیں دوموٹرسائیکل سوارگن پوائنٹ پرحسن سے موبائل ،تھانہ سبزی منڈی کوخدائے دادنے بتایاکہ دونامعلوم افرادگن پوائنٹ پراس سے نقدی چھین کرلے گئے۔تھانہ نون کوکامران خان نے بتایاکہ جھنگی سیداں میں تین نامعلوم افراد نےگاڑی روکنے کی کوشش کی نہ روکنے پرانہوں نے فائرنگ کی جس سے میری بیوی زخمی ہوگئی ۔تھانہ شہزادٹاؤن کو حسنین علی نے بتایاکہ تین نامعلوم موٹرسائیکل سوارگن پوائنٹ پراس سے موٹرسائیکل چھین کرلے گیا۔
تازہ ترین