فرمان الہی
نماز کے اوقات
عمان میں آنے والے غیر ملکیوں کے لیے کورونا ویکسین کی 2 خوراکیں لازمی قرار دے دی گئیں۔
عمانی خبر ایجنسی کا کہنا ہے کہ کورونا وائرس سے بچنے کے لیے ویکسین کی 2 خوراکیں لگوانے والوں کو سلطنت عمان آنے کی اجازت ہوگی۔
خبر ایجنسی کے مطابق کورونا ویکسین لگوانے کی شرط غیر ملکیوں پر عائد ہوگی۔
خیال رہے کہ امریکا سمیت مختلف ملکوں میں کورونا وائرس کے اومی کرون ویرینٹ کے پھیلاؤ میں تیزی آگئی ہے۔
غیر ملکی میڈیا کی رپورٹ کے مطابق اس پھیلاؤ کی وجہ سے محدود اسٹاف والی متعدد ایئر لائنز کے پائلٹس، فلائٹ اٹینڈنٹس اور دیگر ملازمین وائرس کی زد میں آگئے۔
اسٹاف کی کمی پر کئی ایئرلائنز کو کرسمس ویک اینڈ پر دنیا بھر میں 6 ہزار سے زائد پروازیں منسوخ کرنا پڑگئیں۔
دوسری جانب امریکا آنے اور جانے والی 1700 پروازیں بھی منسوخ کی گئیں۔
