کے پی میں PTI کو دوسرے مرحلے میں بھی شکست دیں گے، سردار یوسف

مسلم لیگ نون کے رہنما سردار یوسف نے کہا ہے کہ خیبرپختون خوا کے بلدیاتی الیکشن کے پہلے مرحلے کی طرح دوسرے مرحلے میں بھی پاکستان تحریک انصاف (پی ٹی آئی) کو ہرائیں گے۔

الیکشن کمیشن کے باہر میڈیا سے گفتگو کرتے ہوئے سردار یوسف کا کہنا ہے کہ الیکشن کمیشن نے 27 مارچ کو دوسرے مرحلے میں پولنگ کرانے کا فیصلہ دیا ہے، کے پی حکومت نے بدنیتی کر کے برفباری والے علاقوں کو دوسرے مرحلہ میں رکھا ہے۔

انہوں نے مزید کہا کہ پاکستان تحریک انصاف (پی ٹی آئی) چاہتی تھی دوسرے مرحلے کا الیکشن مئی تک جائے۔

ان کا یہ بھی کہنا تھا کہ ہزارہ اور مالاکنڈ میں نون لیگ کامیاب ہوگی، پہلے مرحلے میں پاکستان ڈیموکریٹک موومنٹ (پی ڈی ایم) کے تحت جے یو آئی کو سپورٹ کیا تھا۔