شرمیلا فاروقی نے 2021 کو بدترین سال قرار دے دیا

پیپلز پارٹی کی رہنما شرمیلا فاروقی نے سال 2021 کو اپنی زندگی کا بدترین سال قرار دے دیا۔

انہوں نے ٹوئٹر پر جاری ایک پیغام میں لکھا کہ ’سال 2021 میری زندگی کا بدترین سال ہے، جلد ختم ہوجائے یہ برس۔‘

خیال رہے کہ رواں برس ماہِ اکتوبر میں شرمیلا فاروقی کے والد محمد عثمان فاروقی کراچی میں انتقال کر گئے تھے۔

والد کی وفات کے بعد شرمیلا فاروقی کا جذباتی ٹوئٹ

رکن سندھ اسمبلی شرمیلا فاروقی نے والد محمد عثمان فاروقی کے انتقال کے بعد ایک جذباتی ٹوئٹ شیئر کیا ہے۔

محمد عثمان فاروقی سابق چیئرمین پاکستان اسٹیل بھی رہ چکے ہیں۔

والد کی وفات کے بعد سے شرمیلا فاروقی اکثر و بیشتر اُن کے لیے جذباتی پوسٹس کرتی رہتی ہیں ، اب انہوں نے ممکنہ طور پر اسی وجہ سے سال 2021 کو اپنی زندگی کا بدترین سال قرار دیا ہے۔