• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چونیاں: 3 بیٹیوں کو نہر میں پھینکنے والا سفاک باپ گرفتار، مقدمہ درج

—فائل فوٹو
—فائل فوٹو

چونیاں میں 3 بیٹیوں کو نہر میں پھینکنے والے سفاک باپ کو پولیس نے گرفتار کر لیا جبکہ بچیوں کی ماں کی درخواست پر اس کے شوہر کے خلاف قتل کا مقدمہ بھی درج کر لیا۔

خاتون نے درج کرائی گئی ایف آئی آر میں مؤقف اختیار کیا ہے کہ شوہر نے گھر میں جھگڑا کیا جس کے بعد بیٹیوں کو اسکول سے لے کر چلا گیا۔

بیوی کے مطابق شوہر نے کہا کہ وہ بیٹیوں کو لے کر لاہور جا رہا ہے، لاہور پہنچی تو بیٹیاں وہاں نہیں تھیں، پتہ چلا کہ شوہر الہٰ آباد میں گرفتار ہے۔

خاتون کا اپنے بیان میں مزید کہنا ہے کہ حوالات میں خاوند سے ملاقات کی تو اس نے بیٹیوں کے قتل کا اعتراف کر لیا۔

خاتون کا پولیس کو دیے گئے بیان میں یہ بھی کہنا ہے کہ شوہر نے 4 جنوری کو بیٹیوں کو اسکول سے لے جا کر نہر میں پھینک دیا تھا۔

قومی خبریں سے مزید