اورکزئی میں برفباری، لوگ گھروں میں محصور

صوبۂ خیبر پختون خوا کے اورکزئی ضلع میں آج چوتھے روز بھی برف باری جاری ہے، جس کے باعث راستے بند ہونے سے لوگ گھروں میں محصور ہو گئے۔

برف باری کے باعث اورکزئی میں سردی میں اضافہ ہو گیا ہے، ضلع کے مختلف علاقوں میں اب تک 2 فٹ برف پڑ چکی ہے۔

برف باری کےدوران اورکزئی میں بجلی کی فراہمی بند ہو گئی اور بالائی علاقوں کا زمینی رابطہ بھی معطل ہو گیا۔

مری میں گاڑیوں میں پھنسے 19 افراد جاں بحق ہو گئے: شیخ رشید

وفاقی وزیرِ داخلہ شیخ رشید احمد کا کہنا ہے کہ رات سے 1 ہزار گاڑیاں مری میں پھنسی ہوئی ہیں، ان پھنسی ہوئی گاڑیوں میں 16 سے 19 افراد کی اموات ہوئی ہیں۔

ادھر ضلع ہنگو میں وقفے وقفے سے بارش جاری ہے جس کے باعث سردی کی شدت میں اضافہ ہو گیا ہے۔