• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زرداری نے PDM کا حصہ بننے کا امکان رد کردیا

تازہ ترین
قومی خبریں
11 جنوری ، 2022


سابق صدر آصف زرداری نے پیپلزپارٹی کے دوبارہ پی ڈی ایم کا حصہ بننے کا امکان رد کرتے ہوئے حکومت پر تنقید کی اور کہاکہ وہ پہلے دن سے چاہتے ہیں کہ یہ نامعقول حکومت چلی جائے۔

اسلام آباد کی احتساب عدالت کے باہر میڈیا سے بات کرتے ہوئے سابق صدر آصف زرداری نے کہا کہ ان لوگوں سے حکومت چلائی نہیں جائے گی، تاریخ نے بھی یہ بات ثابت کر دی ہے۔

نیب کے دلائل پر بچے بھی روپڑے ہیں، وکلاء زرداری

احتساب عدالت میں آصف زرداری کے خلاف ریفرنس کی سماعت کے دوران کمرہ عدالت میں موبائل فون بج اٹھا، موبائل فون کی رنگ ٹون کسی بچے کے رونے کی آواز تھی، رنگ ٹون بجنے پر جج محمد بشیر نے سماعت روک دی، سابق صدر نے کہاکہ نیب کے دلائل پر بچے بھی روپڑے ہیں۔

سابق صدر نے پی ڈی ایم سے متعلق کہا کہ مولانا فضل الرحمٰن پہلے بھی مارچ کرتے رہے ہیں۔

ان ہاؤس تبدیلی سے متعلق سوال پر زرداری کاکہنا تھا کہ انشا اللّٰہ بہتر ہوگا۔

انہوں نے کہاکہ جوعوام کے حالات ہیں ان میں حکومت سے کچھ نہیں ہوسکتا ۔

قومی خبریں سے مزید