فرمان الہی
نماز کے اوقات
اسلامی تعاون تنظیم (او آئی سی) میں اپنے عہدے سنبھالنے کیلئے ایرانی سفارتکار سعودی عرب پہنچ گئے۔
ترجمان ایرانی وزارت خارجہ سعید خطیب زادہ کے مطابق ایران کے 3 سفارتکار جدہ پہنچ گئے ہیں، تینوں سفارتکار او آئی سی میں اپنے کام کا آغاز کریں گے، ترجمان ایرانی وزارت خارجہ نے سعودی عرب میں ایران کا سفارتخانہ کھولنے پر بھی آمادگی ظاہر کی ہے۔
سعودی عرب سے مذاکرات کے بارے میں ترجمان سعید خطیب زادہ کا کہنا تھا کہ عراق میں ہونے والے مذاکرات میں سعودی عرب کو ایران کی توقعات کے بارے میں بتا دیا تھا، مستقبل میں ہونے والی بات چیت میں نتائج ملنے کی امید ہے تاہم اس کے لیےسعودی حکام کو اپنے بیانات اور عمل پرتوجہ دینی ہوگی۔
ان کا کہنا تھا کہ ایران نے ہمیشہ سعودی عرب میں اپنا سفارتخانہ کھولنے پر آمادگی ظاہر کی ہے، سعودی عرب اور ایران کے درمیان تعلقات بہتر کرنے کے لیے بات چیت کے چار ادوار عراق میں ہوچکے ہیں۔
