فرمان الہی
نماز کے اوقات
ایئر پورٹ سیکیورٹی فورس (اے ایس ایف) کے عملے نے پشاور سے 10 کلو سونا دبئی اسمگل کرنے کی کوشش ناکام بنا دی۔
اے ایس ایف نے پشاور انٹرنیشنل ایئر پورٹ سے دبئی جانے والی خاتون سمیت 2 مسافروں کے قبضے سے 10 کلو سونا برآمد کر لیا۔
ترجمان ایئر پورٹ سیکیورٹی فورس کے مطابق خاتون سمیت افغانی باشندوں کے سامان کی تلاشی لی گئی تو خاتون مسافر سہیلہ الکوزے اور مسافر حواد خالدی کے قبضے سے سونا برآمد ہوا جو وہ 2 بیگوں میں رکھ کر لے جا رہے تھے۔
ترجمان کے مطابق اے ایس ایف کے عملے نے اسکیننگ کے دوران سامان کو مشکوک قرار دیا اور تلاشی کے دوران 9 اعشاریہ 9 کلو گرام سونا اور زیورات ضبط کر لیے۔
ترجمان اے ایس ایف کے مطابق ضبط کیے گئے سونے کی مالیت لگ بھگ 10 کروڑ 76 لاکھ پاکستانی روپے ہے۔
ملزمان کو ابتدائی تفتیش کے بعد مذکورہ سونے سمیت مزید کارروائی کے لیے کسٹمز حکام کے حوالے کر دیا گیا ہے۔
