آرنلڈ شوارزنیگر کی کار لاس اینجلس میں حادثے کا شکار، ایکشن ہیرو محفوظ رہے

 

ہالی ووڈ کے سینئر اداکار اور امریکی ریاست کیلیفورنیا کے سابق گورنر آرنلڈ شوارزنیگر جمعہ کو ایک بدترین کار ایکسی ڈنٹ کا شکار ہوگئے جس میں کئی کاریں آپس میں ٹکرا گئیں۔

تاہم باکس آفس پر کئی ہٹ فلموں کے ایکشن ہیرو اس حادثے میں محفوظ رہے، جبکہ ایک شخص زخمی ہوا۔ 

اس حوالے سے لاس اینجلس پولیس ڈپارٹمنٹ نے بتایا ہے کہ یہ حادثہ شام ساڑھے چار بجے سن سیٹ اور الینفورڈ کے علاقے میں پیش آیا جہاں پر چار گاڑیاں ٹریفک حادثے کا شکار ہوئیں۔

ایک خاتون جو حادثے میں زخمی ہوئیں انھیں مقامی اسپتال منتقل کیا گیا۔