• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

واپڈا کا کرکٹرز فارغ کرنے کا نوٹی فکیشن جاری

محکمہ جاتی کرکٹ کے خاتمے کے ساتھ ہی کرکٹرز کے بے روز گار ہونے کا سلسلہ جاری ہے، واپڈا اسپورٹس بورڈ کے حکمنامے کے بعد قومی کرکٹرز کو فارغ کرنے کا نوٹی فکیشن جاری کر دیا گیا ہے۔

واپڈا اسپورٹس بورڈ نے گزشتہ ماہ دسمبر میں پاکستان کرکٹ بورڈ کے ریجنل کرکٹ کرانے کو جواز بناتے ہو ئے کرکٹ ٹیمیں ختم کرنے کا حکمنامہ جاری کیا تھا اور اب اس حکمنامے کی روشنی میں قومی کرکٹرز کے کنٹریکٹ ختم کر کے انہیں فارغ کر دیا گیا ہے ، اس طرح کرکٹرز کے بے روزگار ہونے کا سلسلہ تھم نہیں سکا۔

واپڈا اسپورٹس بورڈ کا قومی کرکٹرز کو فارغ کرنے کا نوٹی فکیشن
واپڈا اسپورٹس بورڈ کا قومی کرکٹرز کو فارغ کرنے کا نوٹی فکیشن

نوٹیفکیشن کے مطابق کامران اکمل ، وہاب ریاض ، سلمان بٹ ، صدیف مہدی ، ارشد اقبال ، صہیب مقصود اور احسان عادل کے اسپیشل کنٹریکٹ ختم ہو گئے ، مستقل ملازم علی رفیق کو فوری طور پر ڈیوٹی پر واپس بلا لیا گیا ہے ، ضرورت پڑنے پر ریلیز کیا جائے گا۔

کرکٹرز محمد آصف سہراب خان ، زاہد منصور، شاہد طارق اور مہندر پال سنگھ کا بھی کنٹریکٹ ختم کر دیا گیا ہے ، ماہانہ مشاہرہ لینے والے کرکٹر جہانزیب عبداللّٰہ کو بھی فارغ کر دیا گیا ، اب انہیں ماہانہ مشاہرہ نہیں ملے گا۔

کھیلوں کی خبریں سے مزید