حریم شاہ کے ہونٹوں کی حالت بگڑ گئی

30 جنوری ، 2022

پاکستان کی متنازع ٹک ٹاکر اور اداکارہ حریم شاہ کی ادھوری سرجری کے سبب ہونٹوں کی حالت بگڑ گئی۔

حریم شاہ نے فوٹو اینڈ ویڈیو شیئرنگ ایپ انسٹاگرام پر اپنی ویڈیو شیئر کی جس میں دیکھا جاسکتا ہے کہ اُن کے ہونٹوں کی حالت بگڑی ہوئی ہے۔

ٹک ٹاکر نے بتایا کہ ’اُنہیں کافی عرصے سے لِپ فلر (ہونٹوں کی سرجری) کا شوق تھا اور اس کے لیے وہ لندن کی ایک کلینک گئیں۔‘

اُنہوں نے کہا کہ ’سرجری کے دوران، جب ایک طرف کے ہونٹ کی سرجری ہوگئی تو انہیں فون کال آئی جس میں بتایا گیا کہ ایف آئی اے نے اُن کے اکاؤنٹس منجمد کرنے کا حکم دیا ہے اور ساتھ ہی بینکوں کو اس حوالے سے خط بھی لکھے ہیں۔‘

حریم شاہ نے کہا کہ ’دورانِ سرجری اکاؤنٹس منجمد ہونے کا سن کر بہت پریشان ہوگئی تھی لہٰذا میں ادھوری سجری چھوڑ کر اسٹریچر سے اُٹھ گئی۔‘

اُنہوں نے مزید کہا کہ ’مجھے یاد تھا کہ میرے ہونٹوں کی سرجری ہو رہی ہے تاہم اکاؤنٹس منجمد ہونے کی وجہ سے سرجری ادھوری ہی چھوڑ دی۔‘

واضح رہے کہ حریم شاہ کے خلاف منی لانڈرنگ کی انکوائری کرنے والے وفاقی تحقیقاتی ادارے کی ٹیم نے ان کے بینک اکاؤنٹس منجمد کرنے کے لیے خط لکھ دیا ہے۔

ایف آئی اے ذرائع کے مطابق ٹک ٹاک اسٹار حریم شاہ کے پاکستانی بینکوں میں 2 بینک اکاؤنٹس ہیں جن میں ایک کھاتہ بینک آف پنجاب کی لاہور برانچ میں ہے جبکہ دوسرا اکاؤنٹ حبیب بینک کی کراچی برانچ میں ہے۔

ایف آئی اے حکام نے فضا حسین عرف حریم شاہ کے دونوں بینک اکاؤنٹس انکوائری کی تکمیل تک منجمد کیے جانے کے لیے یہ خط لکھا ہے۔

حریم شاہ نے چند دن پہلے لندن پہنچ کر غیر ملکی کرنسی کے بنڈلز کے ساتھ ایک ویڈیو بنائی تھی، جس میں حریم شاہ کے پاس بھاری غیر ملکی کرنسی دیکھی جا سکتی ہے۔