کراچی کا نسلہ ٹاور ملبے کا ڈھیر بن گیا

کراچی میں سپریم کورٹ کے حکم پر نسلہ ٹاور کو گرانے کا سلسلہ آخری مرحلے میں داخل ہوگیا ہے۔ نسلہ ٹاور ملبے کے ڈھیر میں تبدیل ہوگیا ہے۔

انتظامیہ کے مطابق عمارت کی آخری دو منزلیں گرانے میں دو سے تین روز لگیں گے۔

کراچی میں 15 منزلہ نسلہ ٹاور کو گرانے کا سلسلہ آخری مرحلے میں داخل ہوگیا ہے۔ عمارت کا صرف پارکنگ ایریا بچا ہے جسے گرانے کا سلسلہ جاری ہے۔

نسلہ ٹاور کیس کے 7 ملزمان نے حفاظتی ضمانت حاصل کرلی

عدالت نے تمام ملزمان کی 50،50 ہزار روپے میں حفاطتی ضمانت منظور کرلی۔

انتظامیہ کے مطابق 28 نومبر کو نسلہ ٹاور کو توڑنے کا کام شروع کیا گیا۔ ابتدائی طور پر 8 سو مزدوروں کی نفری کام کررہی تھی۔

 عمارت کو توڑنے کا کام 24 گھنٹے جاری رکھا گیا تھا، جس کے دوران بھاری مشینری کا استعمال بھی کیا گیا۔

نسلہ ٹاور کیس میں ذمہ داران کے خلاف مقدمے کا معاملہ پولیس کے لئے درد سر بن گیا

عدالت نے ملزمان کا ریمانڈ دینے سے انکار کردیا عدالت نے کہا کہ پولیس کو اینٹی کرپشن کی دفعات کے تحت مقدمہ درج کرنے کا اختیار نہیں ہے بتایا جائے پولیس نے اینٹی کرپشن کے دفعات کے تحت مقدمہ کیسے درج کیا؟ جس پر پولیس وضاحت دینے میں ناکام رہی۔

 انتظامیہ کے مطابق بچی ہوئی عمارت کو دو سے تین دنوں میں مکمل توڑدیا جائےگا۔

اس وقت عمارت کو توڑنے کے لئے 5 ہیوی مشینیں کام کررہی ہیں جبکہ مزدوروں کی تعداد کو بھی کم کردیا گیا ہے اور 40 سے 50 مزدور عمارت کو گرانے کا کام کررہے ہیں۔