فرمان الہی
نماز کے اوقات
ایکشن سے بھرپور پاکستان سپر لیگ (پی ایس ایل) سیزن سیون کے پہلے مرحلے کے میچز کراچی کے نیشنل اسٹیڈیم میں کھیلے جارہے ہیں۔
ایونٹ کا دوسرا مرحلہ 10 فروری سے لاہور میں کھیلا جائے گا، دفاعی چیمپئن ملتان سلطانز کی فتوحات کا سلسلہ جاری ہے، اس نے مسلسل چار کامیابی حاصل کرلی ہیں۔
ایچ بی ایل پی ایس ایل کے اب تک کھیلے گئے ایڈیشن کے میچز پر ایک نظر ڈالی جائے تو اعداد شمار یہ بتاتے ہیں کہ سب سے زیادہ وکٹیں لینے والے ٹاپ 5 بولرز میں وہاب ریاض سر فہرست ہیں۔
پشاور زلمی کے کپتان وہاب ریاض نے 68 میچز میں 1899 رنز کے عوض اب تک سب سے زیادہ 94 وکٹیں حاصل کی ہیں۔
ٹاپ 5 بولرز کی فہرست میں دوسرے نمبر پر قومی ٹیم کے فاسٹ بولر حسن علی ہیں۔
اسلام آباد یونائیٹڈ کے فاسٹ بولر حسن علی نے ایچ بی ایل پی ایس ایل کے 57 میچوں میں 75 وکٹیں حاصل کی ہیں۔
اعداد و شمار یہ بھی بتاتے ہیں کہ کوئٹہ گلیڈی ایٹرز کے اسپنر محمد نواز ٹاپ 5 بولرز کی فہرست میں تیسرے نمبر پر ہیں، وہ واحد اسپنر بولر ہیں جو ٹاپ 5 بولرز میں شامل ہیں اس کے علاوہ اس فہرست میں باقی 4 فاسٹ بولر ہیں۔
محمد نواز نے 64 میچز میں 1523 رنز کے عوض 59 کھلاڑیوں کو آؤٹ کیا ہے۔
اسلام آباد یونائیٹڈ کے آل راؤنڈر فہیم اشرف ٹاپ 5 بولرز کی فہرست میں چوتھے نمبر پر براجمان ہیں۔
فہیم اشرف نے پی ایس ایل کے 41 میچوں میں 1112 رنز کے عوض 57 وکٹیں لے چکے ہیں۔
لاہور قلندرز کے نئے کپتان اور پلیئر آف دی ایئر شاہین شاہ آفریدی اس فہرست میں پانچویں نمبر پر فائض ہیں۔
قومی ٹیم کے فاسٹ بولرشاہین شاہ آفریدی 40 میچز میں 56 وکٹیں لے اڑے ہیں۔
