• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دنیا ایک اور سرد جنگ کی متحمل نہیں ہوسکتی، وزیراعظم

تازہ ترین
قومی خبریں
04 فروری ، 2022
دنیا ایک اور سرد جنگ کی متحمل نہیں ہوسکتی، وزیراعظم

وزیراعظم عمران خان نے کہا ہے کہ دنیا ایک اور سرد جنگ کی متحمل نہیں ہوسکتی، بین الاقوامی سیاست میں تصادم کے بجائے تعاون ہونا چاہیے۔

چین کے تھنک ٹینکس، یونیورسٹیز کے سربراہان اور نمائندوں سے ملاقات میں عمران خان نے کہا کہ پاکستان نے ماضی میں بھی پل کا کردار ادا کیا تھا اور دوبارہ ایسا کرنے کے لیے تیار ہے۔

عمران خان نے مقبوضہ جموں و کشمیر کے تنازع پر چین کی غیر متزلزل حمایت پر شکریہ ادا کیا۔

 وزیراعظم نے کہا کہ سی پیک کا پہلا مرحلہ بنیادی ڈھانچے کی ترقی اور رابطے پر مرکوز تھا، اگلے مرحلے میں صنعتکاری، انفارمیشن ٹیکنالوجی میں تعاون اور زرعی تبدیلی پر توجہ دی جائے گی۔

قومی خبریں سے مزید