فرمان الہی
نماز کے اوقات
قومی کرکٹ ٹیم کے وکٹ کیپر بیٹر محمد رضوان کا کہنا ہے کہ ملتان سلطانز نے پاکستان سپر لیگ (پی ایس ایل) کے پہلے مرحلے میں بہت اچھے کھیل کا مظاہرہ کیا، الحمداللّٰہ مسلسل پانچ میچوں میں فتح حاصل کی۔
سماجی رابطے کی سائٹ ٹوئٹر پر کئے گئے اپنے پیغام میں ملتان سلطانز کے کپتان محمد رضوان نے کہا کہ ہماری ٹیم میں ہر کھلاڑی میچ ونر ہے۔
انہوں نے مزید کہا کہ اعتماد، تعاون اور کام کرنے کی آزادی کے لیے پوری انتظامیہ، کوچنگ اسٹاف اور مالکان کا مشکور ہوں۔
محمد رضوان کا یہ بھی کہنا ہے کہ آئیے لاہور میں بھی کراچی والی کارکردگی کو دہراتے ہیں، اور ایک بار پھر چیمپئنز کی طرح کھیلتے ہیں۔
واضح رہے کہ کراچی میں ہوئے ایونٹ کے پہلے مرحلے میں ملتان سلطانز نے مسلسل پانچ کامیابیاں حاصل کیں۔
پی ایس ایل کے دوسرے مرحلے کے میچز لاہور میں کھیلے جائیں گے، محمد رضوان کی ملتان سلطانز اور وہاب ریاض کی پشاور زلمی 10 فروری کو آمنے سامنے ہوں گی۔
ایونٹ کا فائنل 27 فروری کو لاہور میں ہی کھیلا جائے گا۔
