آزاد کشمیر: آبادی میں گھس آنے والے تیندوے کو مقامی افراد نے مارڈالا

آزاد کشمیر میں شکار کی تلاش میں آبادی میں گھس آنے والے تیندوے کو مقامی افراد نے مار ڈالا۔

حکام کے مطابق مقامی افراد نے پتھر مار مار کر تیندوے کی جان لے لی، اس جرم میں 2 افراد کے خلاف مقدمہ درج کرلیا گیا۔

وائلڈ لائف حکام نے تیندوے کو پوسٹ مارٹم کے لئے مظفرآباد منتقل کردیا۔

آج صبح تیندوا آزاد کشمیر کےعلاقے ہٹیاں بالاکی آبادی میں گھس آیا تھا اور 2 افراد کو زخمی بھی کردیا تھا۔