عطاء اللّٰہ عیسیٰ خیلوی بیٹی کی کامیابی پر خوش

پاکستان کے معروف فوک گلوکار عطاء اللّٰہ عیسیٰ خیلوی نے اپنی صاحبزادی لاریب کی آسکر اور بافٹا ایوارڈز میں کامیابی پر فخر اور خوشی کا اظہار کیا ہے۔

 پہلی پاکستانی خاتون ویژول ایفیکٹ آرٹسٹ لاریب عطاء اور ان کی ٹیم نے آسکر اور بافٹا ایوارڈ 2022ء کے لیے نامزدگی حاصل کی ہے جس پر ان کے والد گلوکار عطاء اللہ خیلوی نے سوشل میڈیا پر ان کے لیے خصوصی پیغام جاری کیا ہے۔

سماجی رابطے کی ویب سائٹ فیس بُک پر عطاء اللّٰہ عیسیٰ خیلوی نے صاحبزادی لاریب عطاء کی تصویر شیئر کی۔

عطاء اللّٰہ عیسیٰ خیلوی نے اپنی پوسٹ میں بیٹی سے مخاطب ہوتے ہوئے لکھا کہ ایک بار پھر تُم نے میرا سر فخر سے بلند کردیا ہے، لاریب بیٹی ہمیشہ خوش رہو۔

واضح رہے کہ جیمز بانڈ سیریز کی حالیہ فلم ’’نو ٹائم ٹوڈائے‘‘ نے 94 ویں اکیڈمی ایوارڈ کے لیے ’’بہترین اوریجنل سونگ‘‘، ’’بہترین سونگ‘‘ اور ’’بہترین ویژول ایفیکٹس‘‘ سمیت تین نامزدگیاں حاصل کی ہیں۔ 

فلم کی ویژول ٹیم میں پاکستان کی نوجوان آرٹسٹ لاریب عطا بھی شامل ہیں جو فلم کی ڈیجیٹل کمپوزیٹر ہیں۔اس کے علاوہ اس ٹیم نے بافٹا 2022 میں ’’بہترین اسپیشل ویژول ایفیکٹس‘‘ کی نامزدگی بھی حاصل کی ہے۔

لاریب عطا کی ٹیم فلم ’’نو ٹائم ٹو ڈائے‘‘ کیلئے آسکر اور بافٹا ایوارڈز اور ان کی ٹیم آسکر کے لیے نامزد

کراچی گلوکار عطا اللہ عیسیٰ خیلوی کی بیٹی...

لاریب عطا نے ٹوئٹر پر کہا کہ میں ان تمام پیغامات اور تعاون کے لیے آپ کا شکریہ ادا کرنا چاہوں گی جو مجھے آسکر اور بافٹا میں’’نو ٹائم ٹوڈائے‘‘ کی نامزدگی کے لیے مل رہے ہیں۔

یاد رہے آسکر اور بافٹا ایوارڈ کی تقریبات مارچ 2022 میں منعقد ہوں گی۔