فرمان الہی
نماز کے اوقات
پاکستان شوبز انڈسٹری کی معروف ماڈل اور اداکارہ صوفیا خان جو انڈسٹری میں فیا خان کے نام سے مشہور ہیں، اُنہوں نے اپنے غیرملکی منگیتر سے کورٹ میرج کرلی۔
فیا خان نے فوٹو اینڈ ویڈیو شیئرنگ ایپ انسٹاگرام پر اپنی اور اپنے ترکش نژاد منگیتر تولگا ریکن کی کورٹ میرج کی ایک جھلک شیئر کی۔
پاکستانی ماڈل نے اپنی شادی کے دن سفید رنگ کے ترکش روایتی لباس کا انتخاب یا جبکہ اُن کے منگیتر نے سیاہ رنگ کا پینٹ سوٹ زیب تن کیا۔
ویڈیو میں فیا خان کو اپنے شوہر کے ساتھ ڈانس کرتے ہوئے دیکھا جاسکتا ہے، یہ ویڈیو سڑک پر بنائی گئی جہاں اُن کے عزیز و اقارب بھی موجود ہیں۔
فیا خان نے اپنی پوسٹ کے کیپشن میں لکھا کہ یہ ہماری کورٹ میرج کی چھوٹی سی جھلک ہے۔
ماڈل کی پوسٹ پر مہوش حیات، سنیتا مارشل، اریبہ حبیب، مہرین سید، نمرہ خان اور صدف کنول سمیت دیگر شوبز ستاروں نے مبارکباد دی۔
یاد رہے کہ فیا خان نے سال 2017 میں ترکی کے تولگا ریکن سے منگنی کی تھی۔
