فرمان الہی
نماز کے اوقات
پاکستان کا دورہ کرنے والی آسٹریلوی ٹیسٹ ٹیم کے وکٹ کیپر ایلکس کیری ساتھی کھلاڑیوں سے خوش گپیاں کرتے کراچی میں ہوٹل کے پول میں اچانک سے گِر گئے۔
کپتان آسٹریلوی کرکٹ ٹیم پیٹ کمنز نے ساتھی کھلاڑی کی ویڈیو انسٹاگرام پر شیئر کی، اور ساتھ قہقہوں والی ایموجیز کا بھی اضافہ کیا جس سے اندازہ ہوتا ہے کہ انہوں نے اس لمحے کو خوب انجوائے کیا ہے۔
آسٹریلیا کے ٹیسٹ کپتان پیٹ کمنز کی جانب سے انسٹاگرام پر پوسٹ کی گئی فوٹیج میں کیری کو پول میں گرتے دیکھا جاسکتا ہے، جس سے ان کی ٹیم کے ساتھی بھی بہت خوش نظر آئے۔
30 سالہ ایلکس کیری کے لیے گِرنا اس وقت زیادہ سنگین ہوا جب انہوں نے دیکھا کہ اُن کا بیگ بھی کھلا ہوا ہے اور موبائل بھی بھیگ گیا ہے۔
ایلکس کیری کو اس وقت زیادہ شرمندگی ہوئی جب انہوں نے دیکھا کہ پیٹ کمنز اس واقعے کی ویڈیو بنا رہے ہیں۔
پاکستان اور آسٹریلیا کے درمیان دوسرا ٹیسٹ میچ 12 مارچ سے کراچی کے نیشنل اسٹیڈیم میں کھیلا جائے گا۔
