فرمان الہی
نماز کے اوقات
اسلام آباد ( خصوصی نامہ نگار)پاکستان مسلم لیگ (ن) کے صدر ،قائدِ حزبِ اختلاف شہباز شریف نے کہا ہے کہ عوام کو قائدِ نواز شریف کا ایک اہم پیغام دینا چاہتا ہوں۔اتوار کو اپنے بیان میں شہباز شریف نے کہاہے کہ عمران نیازی دور میں سب سے اونچی سطح پر مہنگائی، بدترین غربت اور بدترین کرپشن ایک سچ ہے۔بدترین دور میں غریب آدمی کے ساتھ ظالمانہ رویہ رکھا گیا، عوام اٹھیں اور مہنگائی مکاؤ مارچ میں جوق درجوق شریک ہوں، پروردگار آپ کی اس ہمت اور ان کاوشوں کو کامیاب کرے گا۔شہباز شریف نے کہا کہ عمران نیازی کے بدترین دور میں عام آدمی کےساتھ ظالمانہ رویہ ایک سچ ہے۔انہوں نے اپیل کی کہ اٹھیں اور اس مہنگائی مکاؤ مارچ میں شامل ہوں، اس کرپٹ حکومت کا خاتمہ کر کے اپنا مستقبل بچالیں۔
