فرمان الہی
نماز کے اوقات
ایف آئی ایچ کے تحت پہلی بار ہونے والی ورلڈ ہاکی فائیو اے سائیڈ ہاکی ٹورنامنٹ کے لیے ریحان بٹ کو پاکستان فائیو اے سائیڈ ٹیم کا منیجر کوچ بنایا جارہا ہے پی ایچ ایف کے صدر نے منظوری دے دی۔
ایف آئی ایچ کے تحت پہلی بار ہاکی کا چھوٹا فارمیٹ فائیو اے سائیڈ ہاکی ٹورنامنٹ منعقد کروایا جا رہا ہے جو 4 اور 5 جون کو سوئٹزر لینڈ کے شہر لوزانے میں ہوگا۔
اس میں شرکت کرنے والی پاکستان فائیو اے سائیڈ ہاکی ٹیم کے لیے سابق کپتان ریحان بٹ کو منیجر کوچ بنایا جارہا ہے جبکہ اولمپئن وقاص شریف اسسٹنٹ کوچ ہوں گے۔
پاکستان ہاکی فیڈریشن کے صدر بریگیڈیئر (ر) خالد سجاد کھوکھر نے دونوں کے ناموں کی منظوری دے دی۔
فائیو اے سائیڈ ٹورنامنٹ کے لیے پاکستان کی ممکنہ ٹیم اور تربیتی کیمپ کا اعلان جلد کیا جائے گا۔
