لیفٹیننٹ جنرل (ر) طارق کی تحقیقاتی کمیشن کی سربراہی سے معذرت

لیفٹیننٹ جنرل ریٹائرڈ طارق خان نے وفاقی حکومت کی جانب سے لیٹر گیٹ کے لیے بنائےگئے تحقیقاتی کمیشن کی سربراہی سے معذرت کرلی ہے۔

خاندانی ذرائع کا کہنا ہے کہ لیفٹیننٹ جنرل ریٹائرڈ طارق خان نے فیصلے سے حکومت کو آگاہ کر دیا۔

واضح رہے کہ عمران خان کی زیر صدارت وفاقی کابینہ نے دھمکی آمیز خط کی تحقیقات کےلیے طارق خان کی سربراہی میں کمیشن بنانے کا اعلان کیا تھا۔

لیٹرگیٹ کی تحقیقات کیلئے کمیشن قائم کردیا گیا

فواد چوہدری نے کہا کہ 8 سے زائد منحرف ارکان سے غیر ملکی سفارتخانہ نے رابطہ کیا ریکارڈ موجود ہے، تحقیقاتی کمیشن منحرف ارکان کے رابطوں کی تحقیقات کرے گا۔

فواد چوہدری کا کہنا تھا کہ وفاقی کابینہ نے لیٹرگیٹ کی تحقیقات کے لیے لیفٹیننٹ جنرل(ر) طارق خان کی سربراہی میں تحقیقاتی کمیشن قائم کیا، کمیشن کو تحقیقات کے لیے 90 دن دیے گئے۔

وزیر اطلاعات فواد چوہدری کا کہنا تھا  کہ 8 سے زائد منحرف ارکان سے غیر ملکی سفارتخانہ نے رابطہ کیا ریکارڈ موجود ہے، تحقیقاتی کمیشن منحرف ارکان کے رابطوں کی تحقیقات کرے گا۔

فواد چوہدری کا کہنا تھا کہ کابینہ نے چیف الیکشن کمشنر اور الیکشن کمیشن کے کردار پر تشویش کا اظہار کیا، الیکشن کمیشن کا بیان حقائق کے منافی ہے، تحقیقاتی کمیشن غیر ملکی مراسلے کا جائزہ لے گا، کمیشن مقامی ہینڈلرز اور رجیم تبدیلی کا تعلق دیکھے گا۔