کراچی(اسٹاف رپورٹر) اسلام آباد کے نصیر بندہ ہاکی اسٹیڈیم میں جاری قومی انڈر18ہاکی چیمپئن شپ میں سندھ (وائٹ) کی ٹیم نے کوارٹر فائنل مرحلے تک رسائی حاصل کرلی ہے، فاتح ٹیم نے گروپ (اے) کے آخری میچ میں بدولت خیرپختونخوا (گرین ) کو 2-5سے شکست دیدی، کوارٹر فائنل میں سندھ (وائٹ ) کا مقابلہ (پنجاب بلیو) سے ہوگا جو 29مئی کی صبح کھیلا جائیگا۔ دوسرے میچ میں خیبرپختونخوا (وائٹ) نے سندھ کلر کو ایک کے مقابلے میں پانچ گول سے مات دیدی، فاتح ٹیم کی جانب سے حمزہ نے ہیٹ ٹرک اسکور کی۔سندھ وائٹ اور کے پی کے گرین کے میچ میں کھیل کا آغازجارحانہ انداز میں ہوا کے پی کے گرین نے محمد اسماعیل کے بدولت ایک گول کی برتری حاصل کرلی البتہ سندھ کے ارسلا ن نے یکے بعد دیگرے دو گول داغ دیے ۔اس کے بعد عون آغا اور فہیم خان نےایک ایک گول کرکے اسکور 4-1کردی ۔ دوسری جانب سے عامر ارشد نے گول بناکر مقابلہ4-2کردیا تاہم سندھ کے کپتان عبداللہ نے آخری لمحات میں پنالٹی اسٹروک پر گیند جال میں پہنچا کر اسکور 5-2 کردیا۔
فرمان الہی
نماز کے اوقات
