آغا علی اور حنا الطاف کتنے بچوں کے خواہشمند ہیں

16 اپریل ، 2022

پاکستانی فنکار جوڑی، اداکار، گلوکار و میزبان آغا علی اور اداکارہ حنا الطاف نے بتایا ہے کہ وہ کتنے بچوں کے خواہشمند ہیں۔

آغا علی اور حنا الطاف نے گزشتہ دنوں ایک شو میں بطور مہمان شرکت کی، اس دوران شو کی میزبان ندا یاسر نے اس جوڑی سے خوب دلچسپ سوالات پوچھے۔

شو کے دوران سوالوں جوابوں کے ایک راؤنڈ کے دوران اس جوڑی سے پوچھا گیا کہ ’حنا اور آغا کم از کم کتنے بچوں کے خواہشمند ہیں؟‘

اس سوال کے جواب میں حنا الطاف کا کہنا تھا کہ ’ابھی کچھ سوچا نہیں ہے، یہ سب اللّٰہ کے فیصلے ہیں وہ جب چاہے اور جتنے چاہے بچے دے دے ہمیں منظور ہیں۔‘

حنا الطاف کا مزید کہنا تھا کہ ’اُنہیں اور آغا علی کو بیٹی کی بہت خواہش ہے، اُنہیں اللّٰہ سے امید ہے، جب اللّٰہ نے وقت لکھا ہو گا اُنہیں اولاد سے نواز دے گا۔‘

دوسری جانب آغا علی کا بھی یہی کہنا تھا کہ ’اُنہوں نے کبھی یہ نہیں سوچا کہ اُنہیں کتنے بچے چاہئیں، بس جب اللّٰہ دے دے۔‘

آغا علی کا کہنا تھا کہ ’اُن کی والدہ کا کہنا ہے کہ اولاد چاہے جتنی بھی ہو بس نیک صالح ہونی چاہیے تو وہ بس اس چیز پر یقین رکھتے ہیں۔‘