پاکستانی نژاد امریکی خاتون وجیہہ سواتی کے قتل کے کیس میں امریکی ایف بی آئی کی ٹیم نے راولپنڈی کی سیشن کورٹ میں مقتولہ کے ذاتی موبائل فون جمع کرا دیے۔

کیس کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی۔

پولیس، FIA فونز ڈیٹا حاصل کرنے میں ناکام

پولیس اور ایف آئی اے وجیہہ سواتی کے موبائل فونز کا ڈیٹا حاصل کرنے میں ناکام رہے تھے۔

امریکا میں فونز کا فرانزک، مقتولہ کاDNA ٹیسٹ

جس کے بعد مقتولہ کے ذاتی فون ورجینیا، امریکا میں قائم لیبارٹری سے فرانزک کرائے گئے۔

ذرائع نے بتایا ہے کہ مقتولہ وجیہہ سواتی کا ڈی این اے ٹیسٹ بھی امریکا میں دوبارہ کرایا گیا۔

وجیہہ سواتی قتل کیس :6 ملزمان جوڈیشل ریمانڈ پر جیل منتقل

پاکستانی نژاد امریکی خاتون وجیہہ سواتی قتل کیس میں گرفتار ملزمان کا جسمانی ریمانڈ ختم ہونے پر عدالت نے 6 ملزمان کو جوڈیشل ریمانڈ پرجیل بھیج دیا۔

ایف بی آئی ٹیم نے موبائل فونز کا ڈیٹا اور ڈی این اے رپورٹ جمع کرانے کے لیے عدالت سے اجازت طلب کر لی۔

وجیہہ سواتی کے موبائل فونز اور ڈی این اے ٹیسٹ کو ریکارڈ کا حصہ بنایا جائے گا۔

وجیہہ سواتی کو اس کے شوہر رضوان حبیب نے تھانہ مورگاہ کے علاقے میں قتل کیا تھا۔

وجیہہ سواتی قتل کیس میں 5 ملزمان قید جبکہ ایک ملزم ضمانت پر ہے، کیس کی آئندہ سماعت 29 اپریل کو ہو گی۔