پی ٹی آئی کی نظر میں 30 مارچ سے قبل ہم نفیس تھے، امین الحق

وفاقی وزیر انفارمیشن ٹیکنالوجی امین الحق نے کہا ہے کہ تحریک انصاف کی نظر میں ہم 30 مارچ سے قبل نفیس اور باوفا تھے، اچانک ہم دہشت گرد اور بےوفا بن گئے۔

امین الحق کا کہنا ہے کہ ساڑھے تین سال بطور اتحادی ایم کیو ایم کو اقدامات میں شامل نہیں کیا گیا، وزیراعظم سے بات کرتے تو ہمیں دلاسا دے دیا جاتا۔

ایم کیو ایم کے رہنما نے کہا کہ ہمیں تنقید کا نشانہ بنانے کے بجائے عمران خان اور ان کے ساتھی اپنی خامیوں پر غور کریں۔

کراچی سے بڑی سیاسی جماعتوں نے ہمیشہ کھلواڑ کیا، وسیم اختر

متحدہ قومی موومنٹ (ایم کیو ایم) کے سینئر رہنما وسیم اختر نے کہا ہے کہ کراچی سے بڑی سیاسی جماعتوں نے ہمیشہ کھلواڑ کیا ہے، ہم چاہتے تو 7 نشستیں اربوں روپے میں بیچ سکتے تھے۔

یاد رہے کہ تحریک انصاف کی حکومت میں بھی متحدہ قومی موومنٹ (ایم کیو ایم پاکستان) سے تعلق رکھنے والے امین الحق وفاقی وزیر انفارمیشن ٹیکنالوجی تھے۔