عمران خان کی سیاست اب ’مجھے کیوں نہیں بچایا‘ہے، بلاول بھٹو زرداری

حکمران اتحاد میں شامل پیپلز پارٹی کے چیئرمین بلاول بھٹو زرداری نے کہا ہے کہ عمران خان کی سیاست اب’مجھے کیوں نہیں بچایا‘ پر مشتمل ہے۔

ایک بیان میں بلاول بھٹو زرداری نے کہا کہ سابق حکومت کے دباؤ کا مقابلہ کرنے پر چیف الیکشن کمشنر ستائش کے مستحق ہیں۔

احسن اقبال کے بیان پر کیوبن سفیر کا ردعمل، وفاقی وزیر کی وضاحت

وفاقی وزیر احسن اقبال کے لاہور پریس کانفرنس میں کیوبا سے متعلق ذکر پر پاکستان میں تعینات سفیر کا ردعمل دیا، جس پر ن لیگی رہنما کی وضاحت بھی آگئی۔

انہوں نے کہا کہ متنازع سے آئینی کردار میں منتقلی پر ہم تمام اداروں کی کاوشوں کی حمایت کرتے ہیں، عمران خان کی سیاست اب ’مجھے کیوں نہیں بچایا‘ کی مہم کے ساتھ اداروں کو نشانہ بنانے کی ہے۔

پی پی چیئرمین نے مزید کہا کہ عمران خان کی سیاست جھوٹ اور پروپیگنڈے پر مبنی ہے، چیف الیکشن کمشنر اپنے ادارے اور آئین کے ساتھ کھڑے ہیں۔

اُن کا کہنا تھا کہ ہم پرامید ہیں کہ مستقبل میں مضبوط الیکشن کمیشن کو دیکھیں گے، عمران خان کا الیکشن کمیشن کے خلاف احتجاج کا اعلان فارن فنڈنگ کیس میں بلیک میلنگ ہے۔

بلاول بھٹو زرداری نے یہ بھی کہا کہ عمران خان کی تمام کوششیں ناکام ہوں گی اور سچ غالب آئے گا۔