فرمان الہی
نماز کے اوقات
پاکستانی رائٹ آرم فاسٹ بولر حسن علی نے کاؤنٹی چیمپئن شپ میں تباہ کن بولنگ کی، انہوں ہمپشائر کے خلاف پہلی اننگز میں 5 وکٹیں حاصل کیں۔
حسن علی نے کاؤنٹی چیمپئن شپ میں لنکاشائر کی نمائندگی کرتے ہوئے 45 رنز کے عوض حریف ٹیم کے 5 کھلاڑیوں کو آؤٹ کیا۔
حسن علی نے گزشتہ کاؤنٹی میچ میں گلوسیسٹرشائر کے خلاف 9 وکٹیں حاصل کی تھیں۔
دوسری جانب ایک اور میچ میں ڈربی شائر کے لیے اننگز اوپن کرنے والے پاکستانی بیٹر شان مسعود کی شاندار بیٹنگ کا سلسلہ جاری ہے، گلیمورگن کے خلاف میچ میں بھی شان مسعود نے 60 رنز کی شاندار اننگز کھیلی۔
یہ شان کی مسلسل پانچویں ففٹی پلس اننگز ہے، جبکہ وہ دو لگاتار ڈبل سنچری بھی بنا چکے ہیں۔
اس کے علاوہ شاہین آفریدی کی شاندار بولنگ کے باعث مڈل سکس نے لیسٹر شائر کو 149 رنز پر آؤٹ کر دیا۔ شاہین آفریدی نے تین کھلاڑیوں کو آؤٹ کیا۔
