فرمان الہی
نماز کے اوقات
مسلم لیگ نون کی رہنما حنا پرویز بٹ نے کہا ہے کہ آج حمزہ شہباز کی حلف برداری کی تقریب کے موقع پر تحریک انصاف والے روئیں گے۔
حنا پرویز بٹ نے حمزہ شہباز کی حلف برداری کی تقریب سے پہلے کیے گئے ٹوئٹ میں کہا کہ وہ کیا منظر ہوگا جب عمر سرفراز چیمہ گورنر ہاؤس کی چھت پر کھڑے ہو کر حمزہ شہباز کو پنجاب کا وزیراعلی بنتا ہوا دیکھیں گے۔
اُنہوں نے کہا کہ آج پی ٹی آئی والے سب جلیں گے اور روئیں گے بھی۔
واضح رہے کہ نو منتخب وزیراعلیٰ پنجاب حمزہ شہباز حلف اٹھانے کے لیے گورنر ہاؤس پہنچ گئے۔
مریم نواز بھی گورنر ہاؤس پہنچ گئیں، مریم نواز اور حمزہ شہباز ایک ہی گاڑی میں گورنر ہاؤس پہنچے ہیں، حمزہ شہباز خود گاڑی ڈرائیو کر کے گورنر ہاؤس آئے ہیں۔
اسپیکر قومی اسمبلی راجہ پرویز اشرف گورنر ہاؤس لاہور پہنچ گئے ہیں، وہ حمزہ شہباز سے پنجاب کی وزارتِ اعلیٰ کا حلف لیں گے۔
نو منتخب وزیراعلیٰ پنجاب حمزہ شہباز کی تقریب حلف برداری کیلئے گورنر ہاؤس کے اندر انتظامات مکمل کر لیے گئے ہیں، تقریب گورنر ہاؤس کے لان میں ہوگی۔
