وزیراعظم شہباز شریف متحدہ عرب امارات پہنچ گئے

وزیراعظم شہباز شریف ایک روزہ دورے پر متحدہ عرب امارات (یو اے ای) کے دارالحکومت ابوظبی پہنچ گئے۔

شہباز شریف اعلی سطحی وفد کے ہمراہ ابو ظبی پہنچے، جہاں متحدہ عرب امارات کے وزیرِ انصاف عبداللّٰہ بن سلطان بن عود آل نعیمی نے وزیرِ اعظم اور پاکستانی وفد کا استقبال کیا۔

وفاقی وزراء بلاول بھٹو، خواجہ آصف، مولانا اسعد محمود وزیر اعظم کے ہمراہ ہیں۔

مفتاح اسماعیل، مریم اورنگزیب، شاہ زین بگٹی، خالد مقبول صدیقی اور محسن داوڑ بھی وزیرِ اعظم کے ہمراہ موجود ہیں۔

وزیر اعظم کی ابو ظبی کے ولی عہد شیخ محمد بن زید سے ملاقات ہوگی، ملاقات میں دو طرفہ تعلقات سمیت باہمی دلچسپی کے امور پر تبادلہ خیال کیا جائے گا۔