فرمان الہی
نماز کے اوقات
پاکستان شوبز انڈسٹری کے معروف اداکارہ کاشف محمود نے قومی کرکٹ کی بربادی کا ذمہ دار سابق کپتان شاہد آفریدی کو قرار دے دیا۔
سوشل میڈیا پر جاری کیے گئے ویڈیو پیغام میں کاشف محمود نے کہا کہ ’ہماری کرکٹ کو تباہ کرنے والے صرف شاہد آفریدی ہیں۔‘
کاشف محمود نے کہا کہ ’بھارتی کرکٹ ٹیم میں بہترین بیٹسمین ہونے کی وجہ یہ ہے کہ اُنہوں نے سنیل گواسکر کو اپنا گاڈ فادر بنایا، پھر ٹنڈولکر اور ویرات کوہلی مایہ ناز بلے باز بنے، اس طرح اب تک بھارتی کرکٹ ٹیم میں دُنیا کے بہترین بلے باز موجود ہیں۔‘
اداکار نے کہا کہ ’ہم نے عمران خان کو اپنا فاسٹ باؤلر آئیکون بنایا اور اب تک اچھے بُرے حالات میں بھی پاکستان کے پاس بہترین فاسٹ باؤلرز ہیں۔‘
اُنہوں نے شاہد آفریدی پر شدید تنقید کرتے ہوئے کہا کہ ’ہم نے گزشتہ 20 برسوں میں شاہد آفریدی کو ہیرو بنادیا اور اُن سے اگر کی اُمید رکھی، اگر شاہد آفریدی چل گیا تو ہم یہ میچ جیت جائیں گے۔‘
اپنے ویڈیو پیغام میں کاشف محمود نے کہا کہ ’کرکٹ میں اگر مگر نہیں چلتی، ہمیں انضمام الحق، یونس خان اور محمد یوسف کو ہیرو بنانا چاہیے تھا۔‘
کاشف محمود نے یہ بھی کہا کہ ’میں شاہد آفریدی کے خلاف نہیں ہوں، نہ میں کبھی اُن سے ملا ہوں لیکن اتنا ضرور کہوں گا کہ وہ اچھے انسان تو ضرور ہوسکتے ہیں لیکن بہترین کرکٹر نہیں ہیں۔‘
اداکار نے مزید کہا کہ ’ہماری کلب کرکٹ میں کسی بچے کا بلّا سیدھا نہیں ہوتا، سب یہی چاہتے ہیں کہ ایک اوور میں تین چار چھکے لگا کر شاہد آفریدی بن جائیں۔‘
ٹوئٹر پر ویڈیو شیئر کرتے ہوئے کاشف محمود نے لکھا کہ ’کرکٹ کی تباہی کے بعد اب شاہد آفریدی سیاست کے فلاسفر بن رہے ہیں، عمران خان کی غلطیاں نکال رہے ہیں۔‘
اُنہوں نے مزید لکھا کہ ’آفریدی صاحب سیانے کہتے ہیں جس کا کام اسی کو ساجھے، کرکٹ آپ کو کھیلنی نہیں آئی سیاست تو بہت آگے کی چیز ہے۔‘
