فیس بک کا ہیک اکاؤنٹ کیسے بحال کیا جائے؟

16 مئی ، 2022

یہ جاننا ایک خوفناک احساس ہے کہ جس کو آپ نہیں جانتے اس نے آپ کا فیس بُک اکاؤنٹ ہیک کرکے تصویروں اور پیغامات تک غیر قانونی رسائی حاصل کرلی تو آپ کو اپنا اکاؤنٹ بحال کرنے کے لیے کیا کرنا چاہیے۔

آپ کا فیس بک اکاؤنٹ آپ کی ذاتی جگہ ہے جس تک آپ کی اجازت کے بغیر رسائی حاصل نہیں کرنی چاہیے۔ تاہم، فیس بک اکاؤنٹس کے ہیک ہونے کے واقعات غیر معمولی نہیں ہیں لیکن اب آپ کو پریشان ہونے کی ضرورت نہیں ہے کیونکہ ایسے طریقے ہیں جن کے ذریعے آپ اپنا اکاؤنٹ واپس حاصل کر سکتے ہیں۔

فیس بک اکاؤنٹ تک رسائی حاصل کرنے کا واحد طریقہ یہ ہے کہ آپ کے پاس ورڈ کا اندازہ لگانا یا ان کی ہیکنگ کی مہارتوں کو استعمال کرنا ہے۔

جب آپ کا اکاؤنٹ ہیک ہوجائے تو آپ کو سب سے پہلا کام یہ کرنا چاہیے کہ آپ کو اپنا پاس ورڈ تبدیل کرنا ہے۔

اس کے بعد، آپ کو ’پاس ووڈ اور سیکیورٹی‘ والے آپشن پر جائیں، وہاں سے آپ یہ معلوم کرسکتے ہیں کہ آپ کا اکاؤنٹ کہاں کہاں لاگ اِن ہے۔

اگر آپ کو کوئی ایسا سسٹم نظر آتا ہے جو آپ کا نہیں ہے لیکن وہاں آپ کا اکاؤنٹ لاگ اِن ہے تو آپ کو فوری طور پر اس سسٹم سے اپنا اکاؤنٹ ہٹا دینا چاہیے۔

Suspicious لاگ اِن پر کلک کریں
Secure اکاؤنٹ منتخب کریں

پھر ان اقدامات پر عمل کریں جو فیس بک دکھائے گا جب آپ اپنے اکاؤنٹ کو محفوظ بنانے کے لیے آگے بڑھیں گے۔

آپ سپورٹ پیج کے ذریعے فیس بک سے بھی رابطہ کر سکتے ہیں۔
پاس ورڈ اور سیکیورٹی والے آپشن پر جائیں۔
’Get Help‘ پر کلک کریں
پھر رپورٹ کریں کہ آپ کا اکاؤنٹ ہیک ہو گیا ہے

اگر ہیکر نے آپ کو آپ کے فیس بک اکاؤنٹ سے لاگ آؤٹ کر دیا ہے، تو Facebook.com/ hacked پر جائیں۔ آپ سے اپنا فون نمبر درج کرنے کو کہا جائے گا جو آپ کے فیس بک اکاؤنٹ سے منسلک ہے۔

اگر آپ کا درج کردہ نمبر آپ کے رجسٹرڈ نمبر سے لنک کرتا ہے، تو فیس بک آپ کو اپنے فیس بک اکاؤنٹ تک دوبارہ رسائی حاصل کرنے میں مدد کرے گا۔

خاص رپورٹ سے مزید