فرمان الہی
نماز کے اوقات
رکن قومی اسمبلی نور عالم خان بلا مقابلہ پبلک اکاونٹس کمیٹی (پی اے سی) کے چیئرمین منتخب ہوگئے۔
وزیر دفاع خواجہ محمد آصف نے نور عالم کا نام بطور چیئرمین پی اے سی تجویز کیا، وزیر سیفران سینیٹر طلحہ محمود نے اس کی تائید کی۔
دوران اجلاس نور عالم خان نے کہا کہ بطور چیئرمین پی اے سی کسی کے ساتھ بداخلاقی اور نہ ہی زیادتی کروں گا۔
انہوں نے مزید کہا کہ آڈیٹر جنرل آفس 5 کروڑ سے زائد کے آڈٹ پیراز پی اے سی میں لائیں جبکہ اس سے کم مالیت کے آڈٹ ڈی اے سی میں سیٹل کیے جائیں۔
نور عالم خان نے یہ بھی کہا کہ میں احتساب اور قانون کی بالادستی پر یقین رکھتا ہوں، پی اے سی احتساب کرنے والوں کا بھی احتساب کرے گی۔
اس موقع پر ممبران پی اے سی نے نور عالم خان کو چیئرمین منتخب ہونے پر مبارک باد دی۔
سینیٹر طلحہ محمود نے کہا کہ گواہ ہوں کہ نور عالم خان پارٹی پالیسی سے ہٹ کر حق کی بات کرتے ہیں۔
وفاقی وزیر سردار ایاز صادق نے کہا کہ پی اے سی کا بیک لاگ ختم کیا جانا چاہیے۔
مشاہد حسین سید نے کہا کہ جو احتساب کرتے ہیں، ان کا بھی احتساب ہونا ضروری ہے۔
