• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

25 مئی کو تاریخ میں سیاہ دن کے طور پر یاد رکھا جائے گا، شفقت محمود

تازہ ترین
قومی خبریں
26 مئی ، 2022
فوٹو: سوشل میڈیا
فوٹو: سوشل میڈیا

پاکستان تحریک انصاف (پی ٹی آئی) پنجاب کے صدر شفقت محمود نے کہا ہے کہ 25 مئی کے دن کو تاریخ میں سیاہ دن کے طور پر یاد رکھا جائے گا۔ 

اپنے بیان میں سابق وفاقی وزیر تعلیم کا کہنا تھا کہ ڈی سی، ڈی آئی جی آپریشنز اور دیگر افسران شاہ سے زیادہ شاہ کے وفادار نہ بنیں۔

اسلام آباد میں جلاؤ گھیراؤ، توڑ پھوڑ: عمران خان، اسد عمر، عمران اسماعیل کے خلاف دو مقدمات درج

راجہ خرام نواز ،علی امین گنڈا پور اور علی نواز اعوان کے خلاف بھی مقدمات درج کرلیے گئے ہیں۔

انہوں نے کہا کہ نہتے کارکنوں، فیملیز پر تشدد، شیلنگ کے باوجود پارٹی رہنماؤں پر مقدمات قابل مذمت ہیں۔

شفقت محمود کا کہنا تھا کہ مسرت چیمہ، جمشید اقبال چیمہ، زبیر نیازی، حسان نیازی پر مقدمات بدترین انتقامی کارروائی ہے۔

انہوں نے کہا کہ انتظامیہ، پولیس افسران سیاست سے لاتعلق رہیں، انتقامی کارروائیاں بند کی جائیں۔

صدر پی ٹی آئی پنجاب کا کہنا تھا کہ جعلی حکومت کی ایما پر ن لیگ کے گلو بٹوں، غنڈوں نے نہتے کارکنوں پر بدترین تشدد کیا۔

قومی خبریں سے مزید