-
فرمان الہی
-
نماز کے اوقات
- ہفتہ 11؍شوال المکرم 1445ھ20؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
ترکش دارالحکومت استنبول سے ماسکو جانے والی پرواز منزل پر لینڈنگ سے کچھ دیر قبل بیلاروس کی فضائی حدود میں روک لی گئی، جسے مبینہ طور پر فنی خرابی کی وجوہات کی بنا پر ماسکو کی بجائے لتھوانیا کے دارالحکومت ولنیئس سے اتار لیا گیا۔
فلائٹ ریڈار کے مطابق استنبول سے ماسکو کی ترکش ایئر لائن کی پرواز ٹی کے 413 لگ بھگ ساڑھے3 گھنٹے کا سفر طے کرکے بیلاروس کی فضائی حدود سے روس کی فضائی حدود میں داخل ہوئی اور طیارہ ماسکو ایئر پورٹ پر اترنے کے لیے اپروچ لے رہا تھا کہ طیارے میں مبینہ طور پر فنی خرابی پیدا ہوگئی۔
کنٹرول ٹاور کے رابطہ کرنے پر پائلٹ کو فضا میں ہی ہولڈ کرنے کا کہا گیا، جس پر پائلٹ نے ایئربس اے 321 طیارے کو بیلاروس کی فضائی حدود میں واپس لے جاکر چکر کاٹنا شروع کردیے۔
ایوی ایشن ذرائع کے مطابق اپنے ہیڈکوارٹر سے ہدایت ملنے پر پائلٹ نے بیلاروس سے طیارے کا رخ لتھوانیا کی طرف موڑ دیا گیا، یوں پرواز کو لتھوانیا کے دارالحکومت ولنیئس اتارلیا گیا۔
طیارے میں 180 روسی شہری بھی سوار ہیں، جو ہنگامی بنیادوں پر بغیر ویزے کے لتھوانیا اترے ہیں، ٹیکنیکل لینڈنگ کے بعد تیار ہو ایئرپورٹ کے مسافر ٹرمینل سے دور ایک کونے میں کھڑا کیا گیا ہے۔
