جی ہاں! میرے گینگ نے سدھو موسے والا کو مارا: گینگسٹر لارنس بشنوئی کا بیان

گینگسٹر لارنس بشنوئی نے پولیس کو دیے گئے بیان میں کہا کہ اُن کے گینگ ممبر نے پنجابی گلوکار سدھو موسے والا کو قتل کروایا۔

بھارتی میڈیا رپورٹ کے مطابق گینگسٹر لارنس بشنوئی نے سدھو موسے والا کے قتل کا اعتراف کرتے ہوئے دہلی پولیس سے کہا کہ ’ہاں! میرے گینگ کے رکن نے سدھو موسے والا کو مارا۔‘

گینگسٹر لارنس بشنوئی نے کہا کہ وکی مڈوکھیرا اُن کا بڑا بھائی تھا اور اُن کے گینگ نے وکی کی موت کا بدلہ لیا۔ 

اگرچہ لارنس بشنوئی نے اعتراف کیا کہ اُن کا گینگ پنجابی گلوکار کے قتل میں ملوث تھا لیکن اُنہوں نے خود کو اس واقعے سے الگ کر لیا۔ 

وہ بالی ووڈ شخصیات جنہیں گینگسٹرز سے دھمکیاں ملیں

پڑوسی ملک بھارت میں کئی مشہور شخصیات کو غنڈوں کی جانب سے جان سے مارنے کی دھمکیاں موصول ہوئی ہیں۔

انہوں نے کہا کہ یہ میرا کام نہیں ہے، میں جیل میں تھا اور اپنا فون بھی استعمال نہیں کر رہا تھا۔

گینگسٹر لارنس بشنوئی نے کہا کہ وہ تہاڑ جیل میں تھے اور انہیں ٹی وی پر نشر ہونے والی خبروں سے سدھو موسے والا کے قتل کا علم ہوا۔

واضح رہے کہ لارنس بشنوئی گینگ کا نام سدھو موسے والا کے قتل کے سلسلے میں سامنے آیا، پنجابی گلوکار کو اتوار 29 مئی کو ضلع مانسا میں گولی مار کر ہلاک کر دیا گیا تھا۔

سدھو موسے والا کے قتل کے ایک دن بعد لارنس بشنوئی نے اپنے وکیل کے ذریعے سیکیورٹی بڑھانے کی درخواست کی۔