دعا زہرا کے انٹرویو پر والد کا ردِ عمل سامنے آ گیا

کراچی سے لاہور پہنچ کر پسند کی شادی کرنے والی دعا زہرا کی جانب سے شوہر کے ہمراہ نیا انٹرویو دیا گیا جس پر دعا کے والد مہدی کاظمی کا بھی ردِ عمل سامنے آ گیا ہے۔

گزشتہ روز دعا زہرا کا شوہر ظہیر احمد کے ساتھ نیا انٹرویو سوشل میڈیا پر شیئر کیا گیا، دعا زہرا اور ظہیر احمد کا عدالتی فیصلے کے بعد دیا گیا یہ پہلا انٹرویو تھا۔

دُعا زہرا اور ظہیر کا پہلا انٹرویو وائرل

کراچی سے لاہور جا کر اپنی پسند کی شادی کرنے والی دُعا زہرا کا اپنے شوہر ظہیر احمد کے ہمراہ پہلا انٹرویو وائرل ہوگیا۔

انٹرویو میں دعا زہرا کو اپنے شوہر ظہیر احمد کی تعریف، شادی کو سچی محبت اور  شوہر کے ساتھ خوش رہنے سے متعلق بات کرتے ہوئے دیکھا جا سکتا ہے۔

دعا زہرا نے انٹرویو کے دوران خود کراچی سے بذریعہ ٹیکسی لاہور پہنچنے اور پسند سے شادی کرنے کا اعتراف بھی کیا ہے۔

اس پر اب دعا زہرا کے والد مہدی کاظمی کا ردِ عمل بھی سامنے آ گیا ہے۔

مہدی کاظمی کا اپنے ویڈیو بیان میں کہنا ہے کہ ’کل کا انٹرویو سب جھوٹ کا پلندا تھا، مجھے اس کا اندازہ تھا کہ اس قسم کی ویڈیو سامنے آئیں گی، اور ہو سکتا ہے کچھ دنوں میں مزید ویڈیوز سامنے آ جائیں۔‘

دعا زہرا کے والد کا کہنا تھا کہ ’میری بیٹی اس وقت ایک مافیا کے ہاتھوں میں ہے، وہ جو چاہے اُسے پہنا کر بٹھا دیں اور جو کہلوا لیں، میری بیٹی پریشر میں ہے۔‘

ملاقات کے وقت دُعا کے ہاتھ کانپ رہے تھے: والدہ دُعا زہرا

کراچی سے لاہور جا کر اپنی پسند کی شادی کرنے والی دُعا زہرا کی والدہ نے انکشاف کیا ہے کہ ملاقات کے وقت دُعا کے ہاتھ کانپ رہے تھے۔

انہوں نے مزید کہا کہ ’ہم اب سپریم کورٹ جا رہے ہیں، یہ سب اب پھر سے غائب ہو جائیں گے، جو خاتون میری بیٹی کا انٹرویو لے رہی ہے اُن کا دعویٰ ہے کہ وہ پہلے دن سے دعا زہرا کے ساتھ رابطے میں تھیں، اُنہیں بہت جَلد عدالت سے نوٹس مل جائے گا، پھر وہ خاتون خود سے کہیں گی کہ میرا تو اِن سے کوئی تعلق نہیں ہے، میں نہیں جانتی یہ جوڑا کہاں ہے‘۔