سیشن عدالت سے بھی PTI کے 13 رہنماؤں کی ضمانت منظور

سیشن عدالت نے بھی لانگ مارچ کےدوران توڑ پھوڑ اور سرکاری املاک کو نقصان پہنچانے کے ایک اور مقدمے میں تحریک انصاف کے 13 رہنماؤں کی 20 جولائی تک عبوری ضمانتیں منظور کر لیں۔

پی ٹی آئی رہنما لانگ مارچ کے دوران توڑ پھوڑ اور سرکاری املاک کو نقصان پہنچانے کے ایک اور مقدمے میں سیشن عدالت میں پیش ہوئے۔

ایڈیشنل سیشن جج محمد احمد حسنین خان نے عبوری ضمانتوں پر سماعت کی۔

لانگ مارچ میں توڑ پھوڑ کا کیس، PTI کے18 رہنماؤں کی عبوری ضمانت میں توسیع

لانگ مارچ کے دوران توڑ پھوڑ اور سرکاری املاک کو نقصان پہنچانے کے مقدمے میں لاہور کی عدالت نے پی ٹی آئی کے 18رہنماؤں کی عبوری ضمانت میں 19 جولائی تک توسیع کردی۔

حماد اظہر، یاسر گیلانی، یاسمین راشد، زبیر نیازی، عندلیب عباس ، جمشید چیمہ، مسرت جمشید، امتیاز شیخ، اعجاز چوہدری ، ندیم عباس بارا، اسلم اقبال، محمود الرشید، اکرم عثمان نےدرخواست ضمانت دائر کی۔

عدالت نے 13 رہنماؤں کی20 جولائی تک عبوری ضمانتیں منظور کر لیں۔

تحریکِ انصاف کے رہنماؤں کا کہنا ہے کہ ان کے لیے مسئلے کھڑے کئےجا رہے ہیں، وہ سارا دن اسی چکر میں رہتے ہیں۔

واضح رہے کہ تحریک انصاف کے رہنماؤں نے تھانہ شفیق آباد میں درج مقدمے پر درخواست ضمانت دائر کی تھی۔