-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستانی مقبول ترین ماڈل و اداکارہ علیزے گبول کے شوہر، ملک ریاض کے نواسے ملک زوریز نے پہلی بار والدہ سے متعلق سوشل میڈیا پر بیان جاری کیا ہے۔
ملک زوریز نے اپنے انسٹا گرام اسٹوری پر فالوورز کو خوشخبری سُناتے ہوئے بتایا ہے کہ ’وہ اور اُن کی اہلیہ جَلد والدین بننے جا رہے ہیں‘۔
ان کا کہنا ہے کہ ’میرے بچے کو میری ماں کی مدد یا نام کی ضرورت نہیں ہے‘۔
ملک زوریز نے اپنی انسٹا گرام اسٹوری میں والدہ سے متعلق لکھا ہے کہ ’میں اپنی نجی زندگی سے متعلق خاموش رہا ہوں لیکن میری والدہ نے بہت سی چیزوں کو میرے لیے اور میری اہلیہ علیزے کے لیے مشکل بنا دیا ہے‘۔
انہوں نے لکھا ہے کہ ’ہر کسی کی برداشت کی ایک حد ہوتی ہے، میری بیوی ایک ایسے اقدام پر تنقید کا شکار رہی ہے جس کا ہم دونوں نے مل کر فیصلہ کیا تھا، میری پہلی شادی کی ناکامی میں میری دوسری اہلیہ علیزے کا کوئی کردار نہیں ہے، مجھے لگتا ہے کہ میری ذاتی زندگی میں جو کچھ بھی ہو رہا ہے اس سے کسی کو کوئی سروکار نہیں ہونا چاہیے‘۔
ملک زوریز کے مطابق اُن کی زندگی میں ماضی یا حال میں جو کچھ بھی ہو رہا ہے وہ اُس کے اکیلے ذمے دار ہیں، کسی اور کو اُن کی زندگی میں ناکامیوں کا قصور وار نہیں ٹھہرایا جا سکتا۔
واضح رہے کہ 2021ء کے آغاز میں علیزے گبول نے خاموشی سے ملک زوریز سے دوسری شادی کر لی تھی۔
اس سے قبل علیزے گبول اُسامہ نامی شخص کے ساتھ رشتۂ ازدواج میں منسلک تھیں جن سے ان کی ایک بیٹی میرال ہے۔
علیزے گبول کی پہلی شادی نامعلوم وجوہات کے باعث ایک سال کے مختصر عرصے میں ہی اختتام پذیر ہوگئی تھی۔
