کراچی کے مختلف علاقوں میں بارش شروع

کراچی کے مختلف علاقوں میں بارش کا آغاز ہوگیا، برنس روڈ، صدر، میٹھادر،نرسری سمیت کئی علاقوں میں ہلکی بارش کا سلسلہ جاری ہے۔

محکمۂ موسمیات نے اپنی پیشگوئی میں آج دوپہر سے شہرِ قائد میں کہیں ہلکی اور کہیں معتدل بارش کا امکان ظاہر کیا تھا۔

کراچی میں آج دوپہر بارش کا امکان

محکمۂ موسمیات کا کہنا ہے کہ کراچی میں آج دوپہر کہیں ہلکی اور کہیں معتدل بارش کا امکان ہے۔

موسمیاتی تجزیہ کار کا کہنا ہے کہ مون سون ہوائیں سندھ اور بلوچستان میں داخل ہو رہی ہیں، مون سون سسٹم کا مرکز وسطی بھارت میں موجود ہے۔

کراچی میں گزشتہ 24 گھنٹوں کے دوران ہوئی بارش کے اعداد و شمار کے مطابق سب سے زیادہ بارش سُرجانی ٹاؤن میں 39 اعشاریہ 3 ملی میٹر ریکارڈ کی گئی۔

مسرور بیس پر 29، گلشنِ معمار میں 27 اعشاریہ 6، نارتھ کراچی میں 25 اعشاریہ 9 ملی میٹر بارش ہوئی۔

جناح ٹرمینل پر 11، سعدی ٹاؤن میں 14 اعشاریہ 3 اور یونیورسٹی روڈ پر 13 اعشاریہ 8 ملی میٹر بارش ریکارڈ کی گئی۔

کراچی میں گزشتہ روز کہاں کتنی بارش ہوئی؟ اعداد و شمار جاری

کراچی میں گزشتہ 24 گھنٹوں کے دوران ہونے والی بارش کے اعداد و شمار محکمۂ موسمیات نے جاری کردیے

محکمۂ موسمیات کا کہنا ہے کہ اورنگی ٹاؤن میں 12 اعشاریہ 5، کیماڑی میں10 اعشاریہ 7، ڈی ایچ اے فیز 2 میں 9 اعشاریہ 2، فیصل بیس پر 8 ملی میٹر بارش ریکارڈ کی گئی۔

اس کے علاوہ گلشنِ حدید میں7 اور قائدآباد میں3 ملی میٹر بارش ہوئی۔