فرمان الہی
نماز کے اوقات
معروف اداکارہ و میزبان عفت عمر نے حمزہ شہباز کے ایک بار پھر وزیراعلیٰ پنجاب منتخب ہونے پر ردعمل دیتے ہوئے چیئرمین پی ٹی آئی عمران خان پر طنزیہ وار کردیا۔
عفت عمر نے اپنے ٹوئٹ میں عمران خان کو تنقید کا نشانہ بناتے ہوئے لکھا کہ ’سُن رہے ہو نا تم، رو رہا ہے عمران‘۔
اداکارہ نے اپنی خوشی کا اظہار کرنے کے لیے قہقہے والے ایموجی کا اضافہ بھی کیا۔
انہوں نے مسلم لیگ ن کی نائب صدر مریم نواز کو مبارکباد دیتے ہوئے اگلے ٹوئٹ میں لکھا کہ ’سازشی جعلی خط سے شروع ہونے والا گیم اصلی خط پر ختم‘۔
واضح رہے کہ گزشتہ روز حمزہ شہباز 3 ووٹوں کے فرق سے پنجاب کے وزیراعلیٰ برقرار رہے تھے۔
ڈپٹی اسپیکر دوست مزاری نے نتیجے کا اعلان کرنے سے پہلے چوہدری شجاعت کا خط ایوان میں پڑھ کر سنایا، جس کی بنیاد پر مسلم لیگ (ق) کے کاسٹ کیے گئے تمام 10 ووٹ منسوخ کردیے تھے۔
یوں 10 ووٹ منسوخ ہونے کے بعد پرویز الہٰی کے ووٹوں کی تعداد 176 ہوگئی تھی جبکہ حمزہ شہباز کے ووٹوں کی تعداد 179 رہی۔
