فرمان الہی
نماز کے اوقات
وفاقی وزیراطلاعات مریم اورنگزیب کا کہنا ہے کہ ترقی پذیر ممالک میں سب سے زیادہ مسائل گورننس کے آتے ہیں، پائیدار ترقی کے پروگرام میں خواتین کی تعداد میں اضافہ ہوا ہے۔
انہوں نے اسلام آباد میں ایک سیمینار سے خطاب کے دوران کہا ہے کہ 2016ء میں پارلیمنٹ میں سسٹین ایبل ڈیولپمنٹ گولز کی بنیاد رکھی تھی، آج تمام صوبے ایک ساتھ بیٹھ کر اس معاملے پر کام کر رہے ہیں۔
مریم اورنگزیب نے کہا ہے کہ موسمیاتی تبدیلیوں کے باعث اس بار بارشیں بھی زیادہ ہوئیں، ملک میں سیلابی صورتِ حال ماحولیاتی تبدیلیوں کے اثرات کے تحت ہیں۔
ان کا مزید کہنا ہے کہ وزیرِ اعظم شہباز شریف نے ڈیزاسٹر رسک مینجمنٹ پر میٹنگ کی ہے، ان کی ہدایت ہے کہ ریلیف کے ساتھ رسک مینجمنٹ پر بھی دھیان دیا جائے۔
مریم اورنگزیب نے خطاب کے دوران یہ بھی کہا ہے کہ جن ملکوں میں ایس ڈی جی ایجنڈے پر کام ہوا اُنہوں نے ہی اپنے ٹارگٹ پورے کیے۔
