• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اے ایس ایف کی کوئٹہ اور فیصل آباد ایئر پورٹ پر کارروائیاں

آج کا اخبار
ملک بھر سے
29 جولائی ، 2022
کراچی (اسد ابن حسن)ایئرپورٹ سیکورٹی فورس نے دو مختلف کارروائیوں میں دبئی جانے والے دو مسافروں کے قبضے سے دو کلو سے زائد آئس ہیروئن برآمد کر لی جس کی بین الاقوامی مارکیٹ میں ویلیو کروڑوں روپے ہے۔ اے ایس ایف کے عملے نے کوئٹہ ایئرپورٹ پر دوبئی جانے والے مسافر شمشیر خان سے 1676 گرام آئس ہیروئن اور فیصل آباد ایئرپورٹ پر دوبئی جانے والے مسافر عابداللہ سے 650 گرام آئس ہیروئن برآمد کر لی۔ مسافر شمشیر خان نے ہیروئن بیگ کی تہہ میں جبکہ عابداللہ نے بیگ کےاندر موجود شلواروں کے ازار بندوں میں مہارت سے چھپا رکھی تھی۔ تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششیں ناکام بنا دیں-
ملک بھر سے سے مزید