دانیہ کو کچھ ہوا تو ذمے دار بشریٰ ہونگی: والدہ دانیہ ملک

معروف ٹی وی اینکر و میزبان عامر لیاقت کی تیسری اہلیہ دانیہ ملک کی والدہ سلمیٰ ساجد نے کہا ہے کہ اگر اُن کی بیٹی کو کچھ بھی ہوا تو اس کی ذمے دار سیدہ بشریٰ اقبال ہوں گی۔

دانیہ ملک کے آفیشل انسٹاگرام اکاؤنٹ کی اسٹوری میں اُن کی والدہ سلمیٰ ساجد کی جانب سے بیان جاری کیا گیا ہے۔

سلمیٰ ساجد نے عامر لیاقت حسین کی سابقہ اہلیہ بشریٰ اقبال سے مخاطب ہوتے ہوئے کہا ہے کہ اگر میری بیٹی کو کچھ ہوا تو سارا الزام بشریٰ اور یوٹیوبرز پر ہوگا۔

دانیہ ملک کی والدہ نے کہا کہ یہ جو آپ دھمکیاں دے رہی ہیں اور الزامات لگا رہی ہیں تو اس پر اللّٰہ آپ سے پوچھے گا۔

سلمیٰ ساجد نے اپیل کرتے ہوئے کہا کہ آپ اصلی موت کی وجہ جانیے، اللّٰہ سب جانتا ہے کون صحیح ہے، کون غلط ہے۔

بشریٰ کو عامر لیاقت سے متعلق بیان دینے کا کوئی حق نہیں: دانیہ ملک

معروف ٹی وی اینکر و میزبان عامر لیاقت کی تیسری اہلیہ دانیہ ملک نے اُن کی سابقہ اہلیہ سیدہ بشریٰ اقبال کے خلاف سوشل میڈیا پر بیان جاری کیا ہے۔

واضح رہے کہ عامر لیاقت کی سابقہ اہلیہ بشریٰ اقبال اور تیسری اہلیہ دانیہ ملک کے درمیان قانونی جنگ جاری ہے۔

دانیہ ملک نے پہلے اعلان کیا تھا کہ عامر لیاقت کی زندگی میں ان سے صلح ہوگئی تھی جبکہ بشریٰ اقبال نے ان دعوؤں کی تردید کرتے ہوئے کہا تھا کہ ان کے پاس ثبوت ہیں کہ عامر لیاقت اور دانیہ کی طلاق ہو گئی تھی۔